Gibutyag uasab ni Baguio City Mayor Benjamin Magalong, nga nakadesisyon ang pamilya ni kanhi DPWH Usec. Catalina Cabral nga dili na ipaubos sa autopsy ang lawas niini.
Kini sukwahi sa naunang report sa Department of the Interior and Local Government (DILG) nga ang patayng lawas sa namatay nga undersecretary gipaubos sa autopsy.
Si Magalong, kinsa kanhi usab hepe sa Criminal Investigation and Detection Group, niinsistir nga mas maayo nga ipaubos sa autopsy ang lawas sa opisyal ilabi na kay kadudahan ang nahitabong pagkamatay niini.
Sa pagkakaron, nagpabiling kaduda-duda kon nagpakamatay ba ang kanhi opisyal o aduna bay foul play iyang kamatayon human makuha ang lawas niini gikan sa lawom nga bangin.
Nanawagan usab si Independent Commission for Infrastructure alang sa usa ka hugot nga imbestigasyon sa pagkamatay sa kanhing opisyal aron mahibal-an kung adunay nahitabo nga foul play.
Kun asa ang drayber ni Cabral nga si Ricardo Munos Hernandez, nagpabilin sa kustodiya sa mga awtoridad.
Gituohan nga si Hernandez ang katapusang nakakita kay Cabral sa wala pa kini napalgang patay.
Photo Courtesy to: Goodmorning Baguio
