Gipahugtan sa City Planning and Development Office (CPDO)–City Mayor’s Office Iligan ang mga lakang sa pagsulbad sa problema sa basura sa syudad pinaagi sa lain-laing inisyatiba sa lokal nga panggamhanan.
Sumala ni Environmental Planner Elsa Maquiling, CPDO Coordinator, sugdan na sa Enero sa sunod tuig ang safe closure ug rehabilitation sa existing nga dumpsite sa Barangay Bonbonon, nga nagtumong sa pag-usab sa kalimpyo sa lugar ug pag-andam niini alang sa laing angay nga gamit.
Gidugang pa ni Maquiling nga nakapasar na sa evaluation assessment ang 22 ka ektarya nga sanitary landfill, ug nagkinahanglan na lamang og hustong development aron hingpit nga magamit isip opisyal nga pasilidad sa pagdumala sa basura sa dakbayan.
Photo courtesy to: Jcg Hmestay
