Nagpahigayon og Inter-Agency Coordination Meeting ang City Government of Bislig aron mas paspas ug organisado ang pagbalik sa komersyal nga biyahe sa Bislig City Airport. Ang miting gihimo isip kabahin sa opisyal nga lihok sa lokal nga gobyerno aron i-align ang tanang regulatory, technical, ug operational requirements alang sa flight resumption.
Gipangulohan ang diskusyon sa Bislig City Commercial Air Service Facilitation Team (BCCASFT) uban sa aktibong partisipasyon sa nagkalain-laing city offices ug partner agencies. Gipresentar ni Daniel Lindley V. Alvar (PSO III / LEDIPO-Designate) ang overview sa Flight Resumption Initiative, nga naglatid sa kahimtang, mga kinahanglanon nga aksyon, ug mga sunod nga lakang.
Gihatagan usab og update ni Lendon Dean D. Nacario, OIC sa Bislig City Airport, kabahin sa mga kinahanglanon ug regulasyon gikan sa Civil Aviation Authority of the Philippines (CAAP) aron masiguro nga compliant ang airport sa tanang safety ug operational standards.
Apil sa miting ang inter-agency updates ug commitments, diin gituki ang papel sa matag ahensya sama sa City Engineering Office, CPD, Tourism Office, City Information Office, City Assessor’s Office, Utilities ug private sector partners lakip ang SURSECO I, BCCTV, PLDT, ug Globe.
Gipangulohan ang maong meeting ni Napoleon L. Velez ug gisundan sa presentasyon sa preparatory workplan, nga magsilbing roadmap sa tanang buhaton padulong sa flight resumption.
Padayon ang koordinasyon ug trabaho sa tanang stakeholders samtang ginapadayon ang konkreto nga mga lakang alang sa pagbalik sa komersyal nga biyahe sa Bislig City Airport.
Photo courtesy: City Government of Bislig
