Giawhag sa National Tobacco Administration (NTA) sa tanan nilang mga researcher ug technical experts nga mas pakusgan pa ang ilang mga paningkamot ug dedikasyon sa paghimo og mga teknolohiya nga makadaginot sa gasto (cost-efficient) apan adunay taas nga kalidad kon bahin sa produksyon sa tabako.
Ang nag-unang tumong niini nga panawagan ang pagsiguro ug pagmentinar sa katakos sa lokal nga tabako nga makigkompetensya sa tibuok kalibutan (global competitiveness).
Sa gipahigayon nga tulo ka adlaw nga Project Technical Review and Tobacco Production Technology Updating Workshop, nga gitambongan sa nagkalain-laing eksperto ug stakeholders sa industriya sa tabako, gihatagan og gibug-aton ni NTA Administrator Belinda Sanchez ang kritikal nga panginahanglan sa padayon nga innovation ug seryoso nga research aron epektibong masuportahan ang mga mag-uuma sa tabako sa tibuok nasod.
Sa iyang pakigpulong, gidayeg ni Administrator Sanchez si Deputy Administrator for Operations Nestor Casela ug ang iyang dedikadong research team alang sa ilang walay hunong nga pagpadayon sa mga inisyatiba sa panukiduki ug kalamboan sa NTA.
Dugang pa niini, giawhag ni Administrator Sanchez ang tanang partisipante sa workshop nga gamiton kini nga kahigayonan aron mas palig-onon pa ang field operations sa ahensya.
Kini pinaagi sa pagbayloay og kahibalo, pagpaambit sa mga best practices, ug pagtinabangay aron mas mapalambo ang serbisyo ngadto sa mga mag-uuma sa tabako ug sa tibuok industriya.
Photo courtesy: Tobacco Reporter
