Gipadayag sa Center for Research in Environmental Epidemiology (CREAL-ISGlobal) sa pagpanguna ni Jordi Júlvez ug ang iyang team nga base sa ilang pagtuon nga ang babayeng buntis nga hilig mokaon ug isda kada adlaw adunay posibilidad nga mahimong utokan ang usa ka bata samtang anaa pa kini sa ilang sabakan.
Dugang pa sa pagtuon nga makita gilayon ang mga improvement ilabina kung ang usa ka bata hawod na sa pinulongan pinaagi sa sosyal nga paglihok ug verbal IQ.
Gani, matod pa sa pagtuon nga kung makanunayon nga pagkaon sa seafood samtang gamabdos aduna kini’y mga maayung benepisyo sa neurological.
Sumala sa American Journal of Epidemiology, ang pagtuon nagpakita nga kung ang babayeng buntis nga hilig mokaon ug sobra sa 340 ka gramo sa omega-3-rich nga isda kada semana, mahimong makatabang sa pag-uswag sa verbal IQ sa mga bata.
Busa, sa mga planong magbuntis dihaa kahibalo namo sa inyong angay nga buhaton.
Photo Courtesy to:The Courier Mail
