Gikalipay ni Marikina Rep. Miro Quimbo ang pag-aproba sa House Special Committee on Senior Citizens sa Universal Social Pension for Senior Citizens bill.
Sumala ni Quimbo, ang balaodnon nagtumong sa paghimo sa social pension nga mandatory alang sa tanang senior citizens ug dili lang kadtong giisip nga mga kabos.
Sa pagkakaron, ang mga kabos o pobre nga senior citizens lamang ang gihatagan og Php1,000 nga binulan nga tabang, samtang ang mga pensiyonado sa SSS ug GSIS wala gilakip.
Gipasiugda sa magbabalaod nga ang pensyon nga nadawat gikan sa SSS ug GSIS dili igo aron matubag ang adlaw-adlaw ug medikal nga panginahanglan sa mga tigulang.
Matod niya nga dili patas nga ihikaw ang mga benepisyo sa mga senior citizens nga nagtrabaho ug nakatampo sa nasud sa ilang pagkabatan-on.
Gipasiugda niya nga ang balaodnon naghatag og dignidad ug seguridad sa mga lolo og lola sa ilang pagkatigulang.
Photo Courtesy to: Senior Citizen
