Gibutyag sa Department of Health (DOH) nga palapdan nila ang zero-balance billing ug dili na kini limitado sa mga tambalanan nga gi-operate sa ahensya.
Matod pa ni Health Secretary Teodoro Herbosa, gumikan kini sa pag-aprobar sa Senado sa dugang pundo sa gisugyot nga General Appropriations Bill.
Kon maaprobahan, ang dugang Php1 bilyones nga pundo gamiton kini sa pagsuporta sa level 3 nga mga tambalanan nga gipanag-iya sa mga lokal nga kagamhanan. Dugang sa DOH, adunay mga kondisyon sa pagpatuman niini lakip na ang igong accreditation sa Rural Health Units sa PhilHealth YAKAP program ug patient coverage.
Diin sumala usab sa DOH nga ang pundo i-adjust matud pa sa populasyon, pasilidad, ug matang sa LGU, ug ipagawas pinaagi sa level 3 DOH hospitals sa rehiyon ubos sa legal nga kasabutan.
Kun asa sa pagkakaron, kapin usa ka milyon na ka mga Pilipino ang nakabenepisyo sa zero-balance billing program sa tibuok nasod.
Photo Courtesy to:Assistance.ph
