Naghangyo ang Bureau of Fire Protection (BFP) sa Iligan City sa publiko sa kooperasyon aron malikayan ang sunog ug dili mahimong biktima niini, labi na sa panahon sa Pasko ug Bag-ong Tuig.
Sumala ni SFO2 Renie Boy Maglangit, Chief sa BFP Sub-Station sa Barangay Sta. Felomina, dako ang responsibilidad sa mga barangay officials sa pagpangandam sa ilang komunidad. Apil niini ang pag-upgrade sa Barangay Peace Action Team (BPAT) pinaagi sa mga training sa firefighting, basic life support, ug uban pang kahibalo nga makatabang sa komunidad panahon sa emerhensya.
Gipahimangnoan usab sa publiko bahin sa paggamit sa Christmas decorations ug Christmas lights. Kinahanglan nga ang tanan nga dekorasyon ug suga aprobado sa Department of Trade and Industry (DTI) ug nakapasar sa quality check aron masiguro ang kaluwasan sa tanan.
Ang BFP nagpahimangno nga ang pagka-andam ug husto nga pag-amping sa balay ug komunidad mao ang yawe aron malikayan ang kadaut ug disgrasya sa panahon sa kapaskuhan.
Photo courtesy to: Carl Omega Aerial
