Giluba sulod sa ilang panimalay sa Purok Pag-asa 1, Barangay Rosario, Tandag City ang usa ka 76-anyos nga German National banda alas 7:30 sa buntag, Disyembre 12, 2025.
Ang biktima nailhan nga si Peter Paul Homann, 76-anyos, nga nagpuyo uban sa iyang live-in partner nga si Helen Luisma.
Sumala sa report sa Tandag City Police Station (CCPS), sa wala pa mahitabo ang krimen, nagplano ang magtiayon nga magpa-renovate sa ilang balay ug nagkuha og karpintero alang niini.
Ang gi-hire nga karpintero mao si Marjun Gonzaga Eman, 30 anyos, ulitawo ug residente sa Purok Pag-asa II, Barangay Rosario. Niabot si Eman sa balay bandang alas 7:30 sa buntag ug nanuktok sa pultahan sa kuwarto sa biktima apan walay nitubag.
Sa iyang pag-abli sa pultahan, nakita niya si Homann nga naghigda ug adumay daghang samad dinunggaban. Dali siyang migawas aron ipahibalo sa live-in partner sa biktima ang maong panghitabo.
Dali usab nga miresponde ang mga personahe sa Tandag City Component Police Station alang sa pag imbistiga sa panghitabo.
Sa pagkakaron, padayon pa ang parallel investigation sa mga awtoridad aron masuta ang motibo ug mailhan ang responsable sa maong krimen.
Photo Courtesy to:Mindanaw News
