Personal nga mibisita si Senador Robin Padilla kauban si Atty. Israelito Torreon sa haya sa napatay nga Tres de Mayo Barangay Captain Oscar “Dodong” Bucol Jr. aron makuha ang klarong impormasyon kalabot sa pagpusil-patay sa kapitan kagahapong adlawa Disyembre 12, 2025.
Matod sa kampo sa senador, kabahin sa tumong sa maong pagbisita ang paglatid sa plano sa pagsang-at og kaso sa Senado aron susihon ang maong insidente ug masiguro nga mapanubag ang mga responsable.
Nasayran usab nga kagahapong adlawa unta ang ika-35 nga natawhan sa kapitan, nga misamot ang kasubo ug kahingawa sa iyang pamilya ug sa tibuok komunidad.
Photo Courtesy to: SHERWIN CESAR LPT
