Mokabat sa 48 ka mga balay silangan reformation centers ang na-establisar sa nagkadaiyang mga Local Government Unit (LGU) kaabag sa Philippine Drug Enforcement Agency (PDEA) Region 9 sa Zamboanga Peninsula Region.
Matod ni Atty. Junjie C. Alviar, Assistant Public Information Officer sa PDEA 9, ang maong datos mao ang kinatibuk-ang natukod sa rehiyon operational o non-operational nga may mga kliyente nang mga drug pushers nga dili HVT.
Gisaysay ni Atty. Alviar, tumong sa pagtukod sa balay silangan reformation center aron mareporma ang mga drug pushers pinaagi sa paghatag ug mga livelihood programs, trainings aron ilang magamit sa panahon nga sila ma re-integrate na diha sa komunidad.
Alayon niini, nagdasig si Atty. Alviar sa publiko nga kon mahimo magtukod og Balay Silangan reformation centers o di ba kaha i activate ang mga non operational sa karon aron kini mapahimuslan.
