Masaligon ang tennis team sa nasod nga makaabante kini sa 33rd Southeast Asian Games sa Thailand tungod sa pagsalmot ni Alex Eala.
Nanguna si Eala isip flag bearer kauban ang volleyball star nga si Bryan Bagunas sa opening ceremony sa torneyo.
Sa partisipasyon ni Eala, nanghinaot ang tennis team sa nasud nga makadaog pa sila og daghang medalya. Tumong nila nga malabwan ang usa ka gold medal nga ilang nadaog sa 2023 SEA Games.
Giingon ni HILTA Secretary General ug Navotas City Mayor John Rey Tiangco, nga usa ka dungog nga makauban si Eala hinungdan nga daghan silag gipangandaman alang sa maong torneyo.
Kahinumduman, niadtong 2021 SEA Games, nakadaog si Eala og tulo ka bronze medals.
Pipila sa mga miyembro sa tennis team sa nasod mao sila si ric Olivarez, Alberto Lim, Alexa Milliam, Francis Alcantara, Ruben Gonzales, Shaira Rivera, Tennielle Madis, Stefi Aludo, ug Arthur Craig Pantino.
Photo Courtesy to:OneSports
