Nakadaog ang Pilipinas sa unang gold medal sa ika-33 nga Southeast Asian Games sa Thailand pinaagi ni Justin Kobe Macario sa men’s taekwondo freestyle poomsae individual event nga gipahigayon sa Fashion Island Hall sa Bangkok.
Nakakuha siya og 8,200 puntos, mas taas kumpara sa host country nga representante nga si Koedkaew Atchariya nga nakakuha og 8,100 puntos ug Ken Haw Chin sa Malaysia nga 7,740 puntos.
Kini ang unang gold sa Pilipinas sa SEA Games 2025 ug nakahatag og dako nga pag-boost sa moral sa Team Philippines.
Samtang, gisundan kini sa ikaduhang gold medal sa nasud sa women’s 4×100 freestyle swimming relay, diin nakadaog ang team nga gilangkoban ni Olympian Kayla Sanchez, Heather White, Chloe Isleta, ug Xiandi Chua.
Gilauman nga makadugang pa og medalya ang Pilipinas samtang nagpadayon ang kompetisyon sa Thailand. Ang mga kalampusan nagpakita sa kadasig ug talento sa mga atleta sa nasud, samtang gilauman nga magpadayon ang maayong performance sa umaabot nga mga events.
Ang Team Philippines nagpadayon sa pagdaug og medalya ug pagrepresentar sa nasud sa internasyonal nga level
via: SEA GAMES COUNCIL
