Gipasaka sa Department of Agriculture (DA) ang Maximum Suggested Retail Price (MSRP) sa red onions.
Matod ni Agriculture Secretary Francisco Tiu Laurel Jr., nga sugod karong Disyembre 11, mokabat na sa P150 matag kilo ang presyo sa pula nga sibuyas.
Dugang pa sa Kalihim nga dunay mga negosyante nga niingon nga gikan sa mga lokal nga mag-uuma ang red onion aron depensahan ang taas nga presyo sa sibuyas bisan imported kini.
Sumala pa nga ang Pilipinas namalit og sibuyas gikan sa China ug India atol sa off-season. Iyang giklaro nga magpabilin gihapon sa Php120 matag kilo ang presyo sa yellow ug white nga sibuyas.
Nanghinaot ang Kalihim nga mokooperar ang mga magpapatigayon sa pagpatuman sa MSRP ilabi na karong Holiday season
via: PNA
