Naaresto ang usa ka hamtong nga laki atol sa drug buy-bust operation nga gihimo sa MDET sa Titay Municipal Police Station, pinangulohan ni PMAJ Arnold A. Espares, alas 10:15 niadtong nakalabay nga adlaw, sa Purok Peñarose, Barangay Poblacion, Titay, Zamboanga Sibugay. Ang suspek residente sa Purok Barandilla, Barangay Veterans, Ipil, Zamboanga Sibugay.
Nakumpiska sa kapulisan ang tulo (3) ka gagmayng heat-sealed sachet nga adunay puti nga crystalline substance nga gituohang shabu nga may gibug-aton nga 0.86 gram ug nagkantidad og Php5,848; usa ka itom nga wallet; ug usa ka lima ka gatus ka pesos (₱500) nga marked money.
Ang tibuok operasyon nasaksihan sa usa ka barangay councilor, media representative, ug HR PNCO, samtang gigamit ang body-worn camera ug recording device sa pagdokumento. Ang nakumpiskang ebidensya dad-on sa Zamboanga Sibugay Provincial Forensic Unit alang sa eksaminasyon, samtang ang suspek gidala sa Titay MPS aron sa hustong proseso ug pag-file og kaso ubos sa RA 9165.
Photo Courtesy to:Titay MPS
