Giinagurahan ang Zamboanga Peninsula Health System Resilience Project atol sa Stakeholders forum sa Badsbrotel Suites, Ipil, Zamboanga Sibugay niadtong Disyembre 9, 2025. Ang proyekto adunay kinatibuk-ang kantidad nga 507.66 milyon USD diin 495.60 milyon Dollars ang gi-finance sa World Bank ug USD 12.06 milyon gikan sa Government of the Philippines (GOP).
Gitambungan ang maong kalihukan ni Governor Dr Anne K. Hofer, Mayor Rambu Olegario, Department of Health Zamboanga Peninsula Center for Health Development, nga giuluhan 𝑫𝒓. 𝑳𝒆𝒏𝒏𝒚 𝑱𝒐𝒚 𝑱𝒐𝒉𝒏𝒔𝒐𝒏-𝑹𝒊𝒗𝒆𝒓𝒂, 𝑶𝑰𝑪-𝑹𝒆𝒈𝒊𝒐𝒏𝒂𝒍 𝑫𝒊𝒓𝒆𝒄𝒕𝒐𝒓, opisyales gikan sa Zamboanga Del Sur, Municipal health Officers, Mayors ug daghang pang uban.
Ang programa naglangkob sa 17 ka Probinsya sa Pilipinas, ug giila ang Zamboanga Sibugay, Zamboanga del Sur isip priority project areas. Ang proyekto nagtumong sa pagpalig-on sa disaster preparedness, health service delivery, digital health systems, ug kapasidad sa local health units sa rehiyon.
Gipasabot atol sa launching nga ang Center for Health Development kon (CHD) Zamboanga Peninsula mao’y mangulo sa implementasyon sa proyekto sa rehiyon, lakip na ang coordination sa LGUs, provincial health offices, ug mga health facilities nga apil sa rollout.
Sa Provincial level, gikinahanglan usab nga ang provincial government magpagawas og Sangguniang Panlalawigan resolution aron pormal nga mosuporta ug mo-authorize sa pagdawat sa proyekto, paghatag og counterpart commitments, ug pagpatuman sa mga kinahanglanon sa implementation.
Naglaom ang mga opisyal nga pinaagi sa lig-on nga coordination sa CHD, mga LGU, ug provincial governments mas mapalig-on ang health systems sa Zamboanga Peninsula ug mas dali makaresponde ang rehiyon sa Natural disasters ug Public Health Emergencies.
