Gipahigayon sa Department of Social Welfare and Development Field Office XII (DSWD XII) ang ilang 1st Local Chief Executive Consultation, nga naghiusa sa 49 ka mga Local Government Units (LGUs) sa tibuok rehiyon aron pagpalig-on sa hiniusang paningkamot sa pagpatuman sa Pantawid Pamilyang Pilipino Program (4Ps).
Atol sa konsultasyon, ang DSWD XII nagpahayag sa ilang pasalamat sa mga local chief executives ug LGUs sa ilang makanunayon nga suporta sa pagsiguro sa padayon ug episyente nga operasyon sa 4Ps program sa ilang tagsa tagsa ka lokalidad.
Gihatagan ug gibug-aton sa ahensya ang mahinungdanong tahas sa LGUs sa pagmintinar sa pagkaepektibo sa 4Ps pinaagi sa pagtanyag sa mga importanteng serbisyo ug interbensyon nga nagsuporta sa maong programa.
Diin ang DSWD XII nangayo usab og tabang sa mga LGU sa pagpalig-on sa mga after-care programs alang sa ilang mga konstituwente nga nag-transition gikan sa 4Ps o nanginahanglan og dugang nga suporta.
Usa ka highlight sa maong kalihokan mao ang mabungahon nga seremonyas sa “mark of commitment”, diin simbolo niini nga gipadayag sa mga local chief executives ang ilang dedikasyon ug kaandam nga magpadayon sa pagsuporta sa mga inisyatibo sa 4Ps sa ilang mga komunidad.
Photo Courtesy : DSWD-12 Field Office 12
