Hugyaw sa kalingaw ug tinud-anay nga pag-ambitay sa kalipay ang gibati sa mga katawhang miapil sa Dealer’s and Coordinator’s Christmas Party 2025 nga gipasiugdahan sa RSV Lifecare Marketing Incorporated ug Juander Radyo Loyalista Incorporated nga napahigayon sa Gymnasium, sa Barangay Tomas Cabili, Iligan City.
Nadugangan usab sa kahibalo ang publiko pinaagi sa mensahe nga gipadayag ni Mr. Richard Villaronte, CEO & President sa RSV Group of Companies, diin iyang gipahiluna ang dugang kalamboan sa negosyo ug padayon nga pagtambayayong alang sa mas lig-on nga komunidad.
Samtang nahimong emosyunal usab ang mga partisipante nga mitambong sa kalihukan dihang ilang nasaksihan ang personal nga pagperform sa drama artist sa entbaldo ug nakita ang ilang mga giidolo nga mga artista sa radyo gikan sa Juander Radyo Drama Center gikan sa Cebu, ilabina ang drama nga nag-ulohan ug ‘’Yam-iran Ko ang Inyong Kamatayon,” nga nakahatag ug emosyunal nga pagbati sa mga dealers and coordinator.
Nag-awas usab ang kalipay sa mga misinggit sa kadaugan sa mga nahimong palaran nga nabunutan sa mga major prizes sa raffle draw ,kung asa ang 1st Prize – Brand New Honda XRM 125: naangkon ni Arsenia Sacay, Dealer Coordinator gikan sa Initao Misamis Oriental, 2nd Prize – Refrigerator: naangkon ni Josephine Juadian, Dealer, gikan sa Naawan Misamis Oriental ang ang premyo sa 3rd Prize – Flat Screen TV: naangkon usab ni Corazon Alinsonorin, Dealer Coordinator, gikan sa Linanot, Bunawan, Iligan City.
Dugang niini mipadayag usab sa ilang tukmang kalipay ang mga maswerteng dealers and coordinators nga nabunutan ang mga pangalan alang sa mga Door Prizes.
Ang maong selebrasyon nagbilin ug dakong inspirasyon, usa ka pahinumdom nga ang panaghiusa ug pagtinabangay dili lang ihulagway sa panahon sa Kapaskuhan, apan sa matag adlaw nga atong atubangon ang kinabuhi, uban sa positibong panglantaw sa unahan taliwala sa mga hagit sa kinabuhi sa pagpaningkamot ni CEO/President Richard S. Villaronte.
