Mokabat sa 45 ka partner-beneficiaries sa Pantawid Pamilyang Pilipino Program (4Ps) sa Carmen, Surigao del Sur ang naka graduate na sa programa pinaagi sa KATUMANAN 2025 Exit Ceremony nga adunay tema nga, “Paglambo ug Pag-Uswag: A Celebration of Resilience and Transformation of 4Ps Graduated Beneficiaries,” human nila maangkon ang Level 3–self-sufficient status of well-being.
Mitambong sa seremonya si Municipal Vice Mayor Jane Plaza, mga Sangguniang Bayan Members, Barangay Kagawad ug mga representante sa 4Ps Provincial Operations Office-Surigao del Sur (POO-SDS) ug Municipal Operations Office-Carmen.
Nanghinaot usab si Vice Mayor Plaza nga ang mga beneficiaries magpadayon sa ilang paglambo bisan human sa graduation.
Gipahayag ni Vice Mayor Plaza nga adunay plano ang LGU sa pag-ila sa mga pamilya nga nagpadagan sa ilang kaugalingong negosyo o serbisyo, aron hatagan og awards sa sunod nga graduation. Nanghinaot usab siya nga ang mga beneficiaries magpadayon sa ilang paglambo bisan human sa graduation.
Gipasiugda usab sa maong kalihukan ang opisyal nga pag-turnover sa case folders sa graduates ngadto sa LGU, aron masiguro ang padayon nga aftercare services pinaagi sa lokal nga resolusyon ug executive orders. Gidawat usab sa mga beneficiaries ang certificates of achievement, lima ka kilo nga bugas, ug usa ka bag sa grocery items nga gihatag sa LGU Carmen.
Photo courtesy: DSWD CARAGA
