Miarangkada na ang ika-33 nga edisyon sa Southeast Asian Games pinaagi sa usa ka mabulukon nga pasundayag nga gipahitabo atol sa opening ceremony sa Rajamangala National Stadium sa Bangkok, Thailand, Disyembre 9, 2025.
Nagsugod ang programa sa alas 7 sa gabii o alas-8 sa gabii oras sa Pilipinas uban sa martsa sa 11 ka miyembro sa SEA Games Federation Council.
Makita nga ang Team Philippines gipangulohan pinaagi nila ni Alex Eala sa tennis ug Bryan Bagunas sa volleyball, nga maoy nagsilbing flag bearers sa nasud sa maong parada.
Sila Eala ug Bagunas kauban sa 60 ngadto sa 140 ka mga atleta, coach ug opisyal sa Team Philippines, nga nisalmot sa parada nga nagsul-ob og mga costume, nga gidesinyo ni Avel Bacudio.
Mao kini ang unang higayon nga ang Thailand mo-host sa maong kalihukan sukad sa 2007 nga edisyon nga gipahigayon sa Nakhon Ratchasima.
Ubay-ubay nga mga iladong Thai nga mag-aawit ug mga aktor ang mopasundayag, samtang ang programa mopakita usab sa pipila ka sikat nga Thai nga mga atleta, nga gipaabot nga mahimong kabahin sa cauldron lighting ceremony.
Malaumon ang liderato nga malampuson ang pagpahigayon sa Thailand SEA Games, bisan pa sa pipila ka mga aberya sa mga venue ug promosyon.
Dugang pa niini, masaligon si Philippine Olympic Committee (POC) President Bambol Tolentino sa umaabot nga kampanya sa Team Philippines.
Nanghinaot usab sya nga malabwan sa mga atletang Pinoy ang 58 ka bulawang medalya nga ilang nadaog sa 2023 nga edisyon sa SEA Games sa Phnom Penh, Cambodia.
Photo Courtesy to: Philstar.com
