Kampante si Olympic bronze medalist Eumir Marcial sa iyang ikalimang SEA Games appearance bisan sa unang higayon nga moapil siya sa laing weight class.
Ang four-time SEA Games gold medalist misulti sa POC Media nga nagpaabot siya sa men’s 80kg division, nga mao ang iyang giapilan sa 2024 Paris Olympics.
Mibalik si Marcial sa SEA Games pagkahuman niya wala moapil sa 2023 edition sa Cambodia tungod sa hand surgery. Giingon niya nga adunay gamay nga pressure tungod sa iyang pagka-professional boxer ug Olympic medalist, apan nalipay ug excited gihapon siya nga i-representa ang Pilipinas.
Gidawat niya ang tawag sa SEA Games bisan nag-focus sa professional career aron magpadayon ang iyang preparation ug dili mawala ang kondisyon. Gipasiugda niya ang kahinungdan sa national team training camp sa Thailand usa ka semana sa wala pa ang games, labi na sa pag-adjust gikan sa 10-round professional fight ngadto sa 3-round SEA Games bouts.
Giingon ni Marcial nga ang iyang labing lisud nga mga kontra mao ang mga Thai boxers, labi na ang reigning gold medalist. Naglaom siya nga makahatag og inspirasyon sa iyang mga kauban nga atleta.
Photo Courtesy to: Philboxing.com
