Samad sa nagkadaiyang parte sa lawas ang naangkon sa 12-anyos nga batang lalaki human gitigbas sa iyang kaugalingon apohan sa Barangay Diplo, Kumalarang Zamboanga del Sur, niadtong nakalabay nga adlaw.
Ginganlan ang suspetsado nga si “Boncio” 82-anyos, mag-uuma ug residente sa nahisgutang lugar.
Sa inisyal nga imbestigasyon sa kapulisan, ala una y media sa kadlawon nadungog pa sa apohan nga babaye ang tyabaw ug singgit sa apo nga nangayo ug pagpakitabang apan sa iyang pagsusi daghan na ug tinigbasan iyang mga apo sa kamot ug tiil.
Niining tungura bitbit pa sa apohang lalaki ang sundang nga gigamit sa pagpanigbas ngadto sa iyang apo nga 12-anyos.
Nagpakitabang usab dayon ang apohang babaye sa kasilinganan aron dad-on ang biktima sa Kumalarang Rural Health Unit aron kini katambalan apan tungod sa grabeng samad nga naangkon sa bata. Gi-refer kini sa Zamboanga del Sur Medical Center, Dao, Pagadian City alang sa dugang pang tambal.
Hinoon sa karon anaa na sa luwas nga kahimtang ang batang lalaki apan padayon pa nga nagpaalim sa balay tambalanan.
Samtang ang apohan niini nga mihimo sa krimen anaa na sa Kumalarang Municipal Police Station samtang gihikay pa ang kaso nga ipasaka sa korte.
Photo Courtesy to: PD ZSPPO
