Dako ang pagsalig ni Ombudsman Jesus Crispin Remulla nga sa mosunod nga duha ka semana, mapagawas na ang warrant of arrest batok sa mga Senador nga nalambigit sa anomaliya sa flood control.
Matod niya nga tungod kay na-issue na ang warrant of arrest ni kanhi Ako-Bicol Partylist representative Zaldy Co, dili layo nga mapagawas na usab ang ubang warrant of arrest sa ubang mga nalambigit.
Lakip sa posibleng maapil sa listahan nga ipagawas mao ang warrant of arrest ni kanhi Senador Ramon Revilla, gumikan dugay na kining gipaubos sa imbestigasyon.
Kahinumduman nga ang pangalan sa kanhi Senador maoy girekomendar sa Independent Commission on Infrastructure’s (ICI) aron ipasaka ngadto sa Office of the Ombudsman tungod sa pagkalambigit niini sa maong anomaliya.
Photo Courtesy to:Onenews.ph
