Nagtukod og upat ka andana nga Kastilyo, ang usa ka environmentalist nga gitawag og Plastic King nga Panamanian gikan sa liboan ka plastik nga botelya.
Naila ang maong lalaki nga si Robert Bezeau, nagtukod og “Castillo Inspiración” sa Bocas del Toro, Panama. Ang estruktura may gitas-on nga 46 feet ug hinimo gikan sa 40,000 ka plastik nga botelya. Tungod niini, siya giila nga bangiitan nga tawo sa tibuok kalibutan tungod sa iyang nahimo nga: “Pinakadako nga Kastilyo nga Hinimo gikan sa mga Plastik nga Botelya”.
Ang iyang paghimo nagsugod niadtong 2012 sa dihang iyang nadiskobrehan ang nagkadako nga problema sa mga basura sa maong isla, diin gibanabana nga kapin sa usa ka milyon nga plastik nga botelya ang nagkatag.
Imbis nga i-recycle, iyang gipasiugda ang “upcycling” o ang paggamit sa basura isip materyales sa pagtukod ug insulasyon sa building.
Ang kastilyo kabahin sa usa ka mas dako nga “Plastic Bottle Village” nga iyang gitukod. Kini aduna usab usa ka “dungeon” nga hinimo sa 10,000 ka botelya basura nga plastic diin ang mga bisita mahimong matulog sa mga kwarto aron “maghinulsol” sa ilang pagpabaya sa kalikopan ug usbon ang ilang mga batasan sa pagkonsumo pinaagi sa paggamit sa mga single-use nga plastik.
Photo Courtesy: guinnessworldrecords
