Gipagula sa Philippine Statistics Authority kun PSA-10 ang datus nga nag ingon nga ang mga Kababayen-an mas dako ug kita kaysa kalalakihan sa Northern Mindanao.
Sumala sa 2024 Occupational Wages Survey ug 2023/2024 ISLE, ang mga babaye nga full-time workers sa Region 10 adunay average monthly wage nga Php14,896, mas taas kumpara sa Php14,275 nga gidawat sa mga lalaki.
Nagresulta kini sa 4.4 gender wage gap, diin nagpasabot nga mas dako ug kita ang mga kababaihan, usa ka kasinatian nga dili kasagaran nahitabo sa ubang rehiyon.
Samtang sa Nationwide, mas taas gihapon ang kita sa kababayen-an, nga nag-average og Php22,236 matag bulan, kontra sa Php21,009 sa kalalakihan.
Apan bisan pa sa positibong datos, nagpabiling hamubô ang regional wage level kompara sa national average nga Php21,544.
Sumala ni Atheneus Vasallo sa DOLE-10, ang resulta nagpakita nga kinahanglan pa og mas lig-on nga panaghiusa sa gobyerno, labor groups, ug private sector aron mapaayo ang job quality, productivity, ug skills development sa rehiyon.
Photo courtesy to : PIA
