Gipasabot sa Government Service Insurance System (GSIS) Iligan City Branch, pinaagi ni OIC-Branch Manager Troy L. Palermo, ang kalabot sa moratorium period alang sa mga miyembro nga gusto nga mo-avail sa calamity loan.
Matod ni Palermo, sa kasagarang pamaagi kung mo-loan sa GSIS, posible nga dayon magsugod ang deduction sa gisundan nga bulan.
Apan tungod sa kadaot nga dala sa miaging bagyo, nagpasiugda ug lakang ang GSIS-Iligan sa pagpatuman og moratorium aron dili dayon mabug-atan ang mga apektadong miyembro.
Gipaklaro ni Palermo nga sugod sa pag-avail sa GSIS member sa calamity loan ,adunay gihatag nga tulo ka bulan ang ahensya gikan sa pagloan ayha kini gi-obligar sa pagsugod ug bayad sa iyang obligasyon.
Giingon pa niya nga kung nag-loan ang usa ka miyembro sa buwan sa Nobyembre, imbes magsugod ang bayad sa Disyembre, mahimo na kining ipahimutang sa Marso ang pagsugod sa monthly amortization.
Gidugang pa ,nga ang pinakanindot nga bahin niini mao nga kung sa Marso pa magsugod ang pagbayad, aduna pa kini’y dugang extension, ug posible nga sa Abril na gayud magsugod ang aktwal nga bayranan usa ka mas taas nga panahon aron dili mabug-atan ang miyembro sa ilang obligasyon.
Photo courtesy to : GSIS Iligan
