Tingkagol na sa prisohan ang usa ka indibidwal human nadakpan sa gipatumang Manhunt Charlie operation didto sa Purok Madre de Cacao, Brgy. Poblacion, Cateel, Davao Oriental pasado alas 3:00 sa milabayng hapon.
Gihimo ang operasyon pinaagi sa pwersa sa mga personahe sa Cateel MPS, uban sa DORFU-CIDG, PIU DOPPO, 1st DOPMFC, RMFB 11 ug uban pang law enforcement units nga nagresulta sa pagkasikop ni alyas “PUTI”, gikonsiderang TOP 5 MOST WANTED PERSON sa REGIONAL LEVEL, 28 anyos, adunay kalive-in, usa ka laborer ug residente sa maong lugar.
Naaresto ang suspetsado pinaagi sa pagpatuman sa Order of Arrest alang sa kasong Rape ilalom sa Art. 266-A (1) in relation to Art. 266-B sa RPC, ubos sa Criminal Case Numbers 5333-2025, 5334-2025, 5335-2025, 5336-2025 ug 5337-2025 nga gi-isyu sa Presiding Judge, Regional Trial Court, 11th Judicial Region, Branch 7, Baganga, Davao Orientalm penitsahan niadtong Nobyembre 3, 2025 ug walay pyansang girekomendar ang korte.
Gipahibalo usab ang dinakpan sa rason sa iyang pagkasikop pinaagi sa pinulongan nga iyang nahibal-an. Sa kasamtangan ang akusado gikustodiya na sa Cateel Municipal Police Station alang sa tukmang disposisyon.
Gipadayag usab ni PCPT ARIEL A ISMAEL ang hepe sa Cateel MPS nga ang maong lakang dungan nga kampanya kontra kriminalidad o simultaneous anti criminality campaign (SACLEO) ug ang walay puas nga pagpatuman sa kapulisan aron matagaan ug igong hustisya ang mga biktima.
Photo Courtesy to: PCR Cateel
