Midesisyon ang Korte Suprema nga “unanimously” pabor nga ibalik ang Php60 bilyones nga sobra nga subsidyo sa gobyerno ngadto sa Philippine Health Insurance Corporation (PhilHealth) pinaagi sa 2026 General Appropriations Act (GAA).
Ang kantidad kaniadto gibalhin sa national treasury. Ang binilyon kabahin sa Php89.9 bilyon nga wala magamit nga pundo sa state-health insurer.
Gipasabot sa tigpamaba sa SC nga si Atty. Camille Ting nga base sa hukom, executory dayon ang desisyon. Base sa desisyon, permanente usab nga gibawal sa SC ang pagbalhin sa nahabiling Php29.9 bilyones.
Kahinumdoman, ang PhilHealth kaniadto gimanduan nga ibalik ang Php89.9 bilyones nga excess funds sa national treasury.
Sa miaging tuig, Php60 bilyones ang na-remit apan ang nahabiling Php29.9 bilyones napugngan nga mabalhin sa national treasury human ang Korte Suprema nipagawas og temporary restraining order.
Photo Courtesy to: Abogado
