Hugot nga gimonitor sa Department of Migrant Workers (DMW) ang proseso sa pagpa-pauli sa patayng lawas ni Mary Ann Pascual Esteban nga namatay sa nakalabayng sunog sa Tai Po District, Hong Kong.
Matod ni DMW Region 2 Regional Director Rogelio Benitez, nakatutok sila sa mas daling repatriation sa patayng lawas ni Mary-ann sa iyang lugar dinhi sa Pilipinas.
Kini isip tubag sa hangyo sa pamilya sa nagsubo nga mga ginikanan, uban sa tabang sa Overseas Workers Welfare Administration ug Philippine Consulate.
Giingon ni Benitez, nakigtambayayong na ang panggamhanan sa Hongkong alang sa 151 ka mga Pilipino nga nasamdan ug nawad-an ug trabaho gumikan sa sunog.
Gisiguro niini ang libreng medical assistance alang sa mga nasamdan nga mga Pilipino.
Pinaagi sa Action Fund, gisiguro sa DMW nga makadawat ug tabang ang mga OFWs nga naapektuhan sa trahedya, samtang padayon pa nilang gisuta ang ihap sa mga apektadong residente gikan sa Cagayan Valley.
Photo Courtesy to: NPR
