Usa ka therapy horse sa Germany ang giilang pinakagamay nga kabayo sa Guinness World Records, nga adunay gitas-on nga 21.1 pulgada nga hapit magduha ra ka ruler ang katas-on.
Sumala ni Carola Weidemann, gisagop niya si Pumuckel niadtong 2020 sa dihang 5 pa lang kini ka bulan ug mga 18 pulgada ang gitas-on.
Ang opisyal nga gitas-on nga 21.1 pulgada naghimo kang Pumuckel nga labing gamay nga lalaking kabayo sa tibuok kalibutan mas mubo pa kini ug usa ka pulgada ug tunga kumpara sa kaniadto nga rekord holder.
Si Pumuckel usa ka therapy horse nga gi-train aron mobisita sa mga nursing home, hospice center, eskwelahan, ug ubang pasilidad nga nag-alagad sa mga tawo nga adunay kapansanan.
Matod pa ni Weidemann, malipayon nga kabayo si Pumuckel, maayo siya sa mga bata, ganahan siyang hikapon ug gakson, ug labing perting gusto gyud niya ang sentro siya sa atensyon.
Photo Courtesy to: Guinness World Records
