Gihagit ni Catholic Bishop Conference of the Philippines (CBCP) president Cardinal Pablo Virgilio David si Presidente Ferdinand Marcos Jr. nga barugan ang iyang gisugdan nga pakigbatok sa korapsyon.
Sa iyang pakigpulong atol sa Trillion Peso March, iyang giingon nga daghan ang naghulat nga hingpit nga mapanubag ang tanang nalambigit sa korapsyon.
Giklaro niya nga ang mga kaso ipaagi lamang sa rule of law o subay lamang sa balaod. Giingon niya nga yano ra ang ilang panawagan nga buhaton ang trabaho nga gisugdan ug batokan ang korapsyon.
Kahinumdoman nga balik-balik nang nanawagan ang simbahang katoliko kang Pres. Marcos nga angay panubagon ang nalambigit sa anomaliya sa mga flood control projects.
Photo courtesy: CBCP News
