Gitakda sa Provincial Development Council ang kritikal nga direksiyon sa kinaiyahan ug infrastructure nga naglatid sa long-term nga kalamboan sa probinsya sa Lanao Del Norte.
Sa panagpulong sa Kalimudan Hall nga gipangulohan ni Governor Mohamad Khalid Dimaporo, giendorso ang pagtukod og special committee on solid waste management aron mapakusgan ang koordinasyon ug pagsunod sa environmental standards.
Gipresentar sa IPM Construction ang “trash-to-cashback” nga programa samtang si EMB-10- Regional Director Reynaldo Digamo mipasiugda sa pagtiunay nga mosunod ang tanang sanitary landfills sa national standards.
Gisuportahan usab ang plano sa pagbutang og air quality monitoring station sa Tubod ug water quality management area duol sa Panguil Bay Bridge.
Gihisgutan usab ang SND International Seaport, diin nangayo si Governor Dimaporo og resolusyon aron dili ilakip ang seaport sa protected area list ug ideklarar kini nga priority development project /aron mapadali ang pagproseso sa ECC.
Nanawagan ang gobernador sa padayon nga suporta sa publiko alang sa malungtarong pag-uswag sa Lanao del Norte.
PHOTO COURTESY TO:Province of Lanao del Norte
