Nagpahimangno ang MDRRMO Mawab sa tanang mga driver nga kanunay mag-amping sa pagmaneho aron malikayan sa dili maayong panghitabo.
Kini human Gibisita sa Juander Radyo News Team ang buhatan sa MDRRMO Mawab aron hisgutan ang ilang operasyon kalabot sa sunod-sunod nga mga disgrasya nga nahitabo sa kadalanan sulod sa ilang area of responsibility.
Sumala pa ni Ruel Helicame, ang hepe sa MDRRMO Mawab, nga importante nga masusi ug masiguro ang kahimtang sa mga sakyanan bago pa man magsugod ug biyahe aron malikayan ang mga problema o kadaot samtang nagmaniho.
Giawhag niya, nga kanunayng paghinay-hinay sa pagmaniho ang angay buhaton ilabi na kung dili pa kabisado ang dalan sa Mawab aron malikayan ang mga posibleng aksidente nga makapahasol sa mga drayber ug pasahero.
