Gihingusgan ni Senate President Vicente “Tito” Sotto III ang reporma alang sa kaayohan sa mga piniriso atol sa budget deliberations sa Department of Justice (DOJ) ug Bureau of Corrections (BuCor).
Sa iyang interpelasyon, ang grabe nga paghuot sa mga pasilidad sa Persons Deprived of Liberty (PDL), lakip na ang kakulang sa serbisyo medikal, limitadong kahigayonan sa panginabuhian, ug kulang nga mga programa para sa parole.
Gipahibalo usab ni Sotto ang sobrang kadaghan sa aktwal nga PDLs kumpara sa kapasidad sa mga jail facilities diin ang New Bilibid Prison adunay kapasidad nga 5,678 apan gipuy-an kini sa 21,996 ka PDLs, ug ang Correctional Institution for Women nga angay lang unta og 1,280 apan kasamtangang adunay 2,940 ka PDLs ang anaa karon nahimutang.
Dugang pa, panahon na aron hatagan og prayoridad ang dignidad, kahimsog, ug rehabilitasyon sa mga piniriso pinaagi sa klaro ug makasustinar nga mga reporma.
Photo Courtesy to: Business Mirror
