Nagtinabangay sa pagpaambit ang Lokal nga Panggamhanan sa Tboli, TESDA ug ang Municipal Social Welfare Development Office kon MSWDO-Tboli, ngadto sa 50 mga kababayen-an alang sa kahibalo sa pagproseso sa nagkadaiyang mga pagkaon nga magamit sa kita o negosyo nga gipahigayon sa Tboli Municipal Covered Court, Poblacion, Tboli, South Cotabato.
Atol sa duha ka adlaw nga pagbansay-bansay ang mga kababayen-an mipakita sa ilang Food Processing Skills, nga nagtutok sa mas lawom nga pagtuon ug praktikal nga paggamit sa mga teknik sa paghimo sa nagkalain-laing produkto.
Diin ang pagbansay-bansay nagtumong sa pagpalapad pa sa kahibalo sa kababayen-an, pagpalambo sa ilang kahanas sa pag-andam ug pagproseso sa pagkaon, ug pagtabang kanila nga mamahimong andam sa mga hagit sa pagnegosyo sa industriya sa pagkaon.
Ang Lokal nga Panggamhanan sa Tboli padayon nga nakig-alayon sa nagkalain-laing ahensya aron masiguro ang kalampusan sa maong mga pagbansay-bansay ug pagpalambo sa kahanas sa mga lungsuranon sa lungsod sa Tboli.
Photo Courtesy to: Municipality Government of Tboli
