Maka full alert status ang National Capital Region Police Office (NCRPO) sa Nobyembre 30, 2025. Kini aron mapabilin ang kahapsay ug kalinaw sa pagpahigayon sa anti-corruption protests nga gilaumang salmotan sa musobra sa 50,000 ka mga katawhan.
Kauban sa kapulisan ang Armed Forces of the Philippines, Metropolitan Manila Development Authority ug local government units.
Matod ni NCRPO spokesperson Maj. Hazel Asilo, ang Trillion Peso March Movement nakakuha na ug pagtugot aronmakatapok og magpahigayon og protesta sa EDSA people power monument sa Quezon City.
Ipatuman niining adlawa ang maximum tolerance aron mapabilin ang kahapsay, kalinaw ug labaw sa tanan mahimong luwas ang tanang sumasalmot.
Gidid-an usab ang tanang mga kapulisan niining higayona nga mo-leave gawas lang kon emergency o may sakit ang ang myembro sa PNP.
Photo Courtesy to: PIA
