Giangkon sa legal counsel ni Cassandra Li Ong nga si Atty. Ferdinand Topacio nga dugay na kini silang walay komunikasyon sa iyang kliyente nga padayon pa nga gipangita.
Apan bisan pa man niini, gibarugan ni Atty. Topacio nga magpabilin ang ilang lawyear-client engagement.
Matod pa ni Topacio nga wala na kini silay komunikasyon apan reponsibilidad niini nga ipadayon ang paghatag og labing maayo nga serbisyo legal ubos sa kasamtangang sitwasyon.
Dugang ni Topacio nga posibleng gigamit ra sab si Ong sa kagamhanan aron nga malipat ang atensyon sa publiko gikan sa lain-laing isyu nga giatubang sa nasud lakip ang kontrobersyal nga anomalya sa flood control.
Si Ong kasamtangang nag-atubang sa kasong qualified human trafficking nga may kalabutan sa illegal nga operasyono sa Philippine Offshore Gaming Operator (POGO) sa Porac, Pampanga. Nailhan sab kini isip business associate ni Bamban, Tarlac Mayor nga si Alice Guo.
Photo Courtesy to:Politiko
