Patay ang usa ka SB Member sa lungsod sa Salug, Zamboanga del Norte human nadisgrasya sa Barangay Bongabongan, Leon B. Postigo, niadtong nakalabay nga adlaw.
Naila ang ang biktima mao si Atty. Reil Lagare, incumbent SB Member sa Salug. Matod sa mga nakakita sa panghitabo, nagbiyahe ang SUV nga gimaniho sa biktima paingon sa lungsod Sindangan, kalit nga mitabok sa pikas linya sa karsada ug mibangga sa usa ka punoan sa kahoy.
Gumikan sa kakusog sa impact, naipit kini sa iyang sakyanan, nga maoy hinungdan sa iyang hinanali nga kamatayon.
Dugang pausab, ang biktima nag-inusara ra kini nga sakay sa iyang sakyanan. Sa pagkakaron padayon pa imbestigasyon sa mga kapolisan sa maong panghitabo.
Photo Courtesy to: Bohol Checkpoint Alert
