Nangayo og red notice ang Presidential Anti-Organized Crime Commission (PAOCC) gikan sa International Criminal Police Organization (Interpol) alang kang kanhi Presidential Spokesperson Harry Roque.
Matod sa tigpamaba sa PAOCC nga si Winston Casio may kalabotan kini sa human trafficking. Kahibaluan niadtong Mayo 15, 2025, ang Angeles City Regional Trial Court Branch 118 niisyu og warrant of arrest batok sa 50 ka tawo nga naglakip nila ni Roque ug Lucky South 99 representative Cassandra Ong.
Nalambigit kini sa human trafficking nga konektado sa Lucky South 99, usa ka kompanya sa Philippine Offshore Gaming nga gi-raid sa mga awtoridad niadtong Hunyo 5, 2024.
Diin ang Interpol nga red notice usa ka hangyo gikan sa mga ahensya nga nagpatuman sa balaod ngadto sa mga nasud nga sakop sa Interpol aron pangitaon og arestohon ang usa ka tawo nga nalambigit sa extradition, pinaagi sa surrender o susamang legal nga aksyon.
Photo Courtesy to: Asia Gaming Brief
