Gilauman nga mahimong bagyo ang misulod sa Philippine Area of Responsibility (PAR) nga usa ka low-pressure area (LPA) nga nahimutang sa sidlakan sa Mindanao, subay sa pahibalo gikan sa Philippine Atmospheric, Geophysical and Astronomical Services Administration (PAGASA).
Sa ilang advisory, giingon sa ahensya nga ang LPA nahimutang sa 845 ka kilometro sa sidlakan sa Northeastern Mindanao og dako ang posibilidad nga mahimo kining usa ka tropical depression sulod sa 24 ka oras.
Kung mahimo na kining tropical depression, panganlanan kini og “Verbena.” Base sa forecast track, gilauman nga maapektohan sa bagyo ang kadaghanan sa Visayas ug Southern Luzon.
Photo courtesy: DOST-PAGASA
