Gikalipay sa mga residente sa Barangay Dalipuga, Iligan City ang malampusong pagpahigayon sa Peoples Caravan:‘’ Serbisyong Dala ay Pag-asa’’ diin sa maong kalihukan gitanyag ang daghang libreng serbisyo alang sa katawhan sa komunidad.
Gipangulohan ang caravan sa National Housing Authority (NHA) uban sa lig-on nga suporta sa nagkalain-laing national agencies, local offices, ug mga non-government organizations (NGOs) nga nagTumong sa pagpaduol sa serbisyo ngadto sa katawhan ug pagtabang sa mga nagkinahanglan sa komunidad.
Nunot niini mapasalamaton ang Barangay Dalipuga BLGU sa tanang ahensya ug NGO nga misalmot, ilabi na sa paghatag og libre nga serbisyo nga dako kaayong natabang sa mga residente.
Dako usab ang pasalamat sa mga volunteers nga mitabang aron masiguro ang hapsay ug epektibong pagserbisyo sa publiko.
Samtang pinaagi sa kusganong pagsuporta ug kooperasyon, mas napalig-on ang tinuod nga espiritu sa serbisyo publiko, nga mao ang pag-alagad sa katawhan ug paglambo sa komunidad.
