Nahulog sa kamot sa kapulisan ang usa ka indibidwal human nadakpan atol sa gipatumang drug buy- bust operation didto sa sa Sitio Lambog, Barangay San Alfonso, Cateel, Davao Oriental pasado alas 8:40 sa gabii niadtong nakalabay nga adlaw.
Gikasa ang operasyon pinaagi sa pwersa sa mga personahe sa Cateel Municipal Police Station, kauban ang mga sakop sa PDEU DOPPO, PIU, 1st DOPMFC ug sa koordinasyon sa PDEA Region XI nga nagresulta sa pagkasikop ni alyas “BOBOY”, 50 anyos, ulitawo, usa ka Street level individual, walay trabaho ug residente sa Sitio Lambo , Barangay San Alfonso, Cateel.
Nakuha gikan sa dinakpan ang 7 ka heat-sealed plastic sachet nga adunay sulod sa gitouhang shabu nga gibana banaang mutimbang sa 2 gramos ug adunay standard drug price nga PHP13,600.00. Lakip sa nakumpiska ang usa ka PHP 500 nga buy-bust money ug usa ka lighter color Blue.
Sa kasamtangan ang suspek anaa na sa kustodiya sa Cateel Municipal Police Station alang sa tukmang disposisyon og mag-atubang sa kasong paglapas sa Republic Act 9165 (Comprehensive Dangerous Drugs Act of 2002).
Photo courtesy to: Cateel Municipal Police Station
