Gisugaan ang katibuok balay gamit ang kapin sa 1,000 ka daan nga baterya sa laptop ug solar panel sa usa ka lalaki nga taga France nga mahiligon sa DIY nakadawat og mga pagdayeg. Ang proyekto gisugdan siyam ka tuig na ang milabay sa usa ka tiggamit sa internet nga nailhan nga “Glubux”.
Kini nga simpleng plano sa usa ka online forum nahimong usa ka dakong kalampusan sa natad sa malungtarong enerhiya ug pag-recycle. Sumala sa report, si Glubux maampingong nangolekta sa mga segunda-manong baterya sa laptop ug gibungkag kini aron ihan-ay ang ilang mga cell sa mga custom rack nga gibutang sa usa ka bodega duol sa iyang balay.
Gikonektar niya kini sa iyang solar setup. Sulod sa walo ka tuig nga direktang operasyon sa sistema, walay bisan usa ka selula sa baterya nga napakyas—usa ka impresibong estadistika alang sa usa ka proyekto nga DIY.
Gikan sa miaging 7 kWh, ang Glubux nipataas sa kapasidad sa produksiyon sa enerhiya ngadto sa 56 kWh. Ang iyang pamaagi giisip nga usa ka maayong ehemplo kon unsaon pagpakunhod sa elektronik nga basura pinaagi sa pag-recycle.
Photo Courtesy: Philstar News
