Kumpiyansa ang Malacañang nga makab-ot gihapon sa Pilipinas ang target nga 5.5 hangtod 6.5 porsiyento nga pagtubo sa ekonomiya sa pagtapos sa tuig 2025.
Sumala ni Palace Press Officer Usec. Claire Castro, lig-on gihapon ang panan-aw sa Palasyo nga makab-ot ang GDP growth target, base sa ilang koordinasyon sa Department of Budget and Management (DBM) ug ubang ahensya sa ekonomiya.
Nagtuo si Castro nga mas mapaspas pa ang paglihok sa ekonomiya sa ulahi nga bahin sa tuig, tungod sa pagtaas sa holiday spending sa pribadong sektor, nga suportahan usab sa mga programa sa panginabuhian sa gobyerno ug sa pag-angat sa export sector.
Gipasabot usab sa Malacañang nga positibo gihapon ang direksyon sa ekonomiya sa nasud, bisan pa man sa mga hagit nga dala sa kalibutang merkado.
Photo courtesy: PALASYO
