Gi apod-apod sa Department of Social Welfare and Development (DSWD) Region 13 – Caraga ang 110,885 ka family food packs ngadto sa mga pamilya nga naigo sa mga bagyong dinhi sa rehiyon.
Sumala sa ahensya, ang Surigao del Norte nakadawat sa pinakadaghan nga allocation nga 40,845 ka food packs, gisundan sa Dinagat Islands nga 33,990, ug Surigao del Sur nga 8,227.
Ang nahabilin nga mga supplies gidistribusyon ngadto sa Agusan del Norte, Agusan del Sur, ug Butuan City. Matod pa sa DSWD-13, ang ilang operasyon magpadayon aron masiguro nga ang mga food packs ug uban pang ayuda moabot gyud sa matag pamilyang naapektahan sa rehiyon.
Niadtong Martes, ang ahensya kauban ang Tubajon municipal government sa Dinagat Islands nagdistribusyon og 4,609 ka food packs, og 530 ka bottled water. Sa samang adlaw, laing team ang naghatag og 2,099 ka food packs sa Claver, Surigao del Norte.
Ang maong paningkamot nagpakita sa determinasyon sa DSWD-13 ug lokal nga gobyerno sa pagtabang sa mga biktima sa kalamidad ug sa paghatag og madali ug hapsay nga ayuda sa komunidad.
Photo courtesy: DSWD CARAGA
