Nanguna ang batang Pinay nga si Cailey Gonzales sa girls’ 11-12 division sa US Girls’ Golf Australian Challenge 2025 nga gipahigayon sa Heritage Golf and Country Club sa Victoria, Australia.
Bisan pa sa lisod nga kondisyon sa panahon, napamatud-an ni Gonzales ang iyang kaisog ug abilidad. Ang 12-anyos nga estudyante sa Brent International misugod sa torneo uban sa three-under 69, ug sa ikaduhang adlaw, nakahimo og eagle sa par-5 ninth hole bisan pa sa ulan ug kusog nga hangin.
Tungod sa nagkagrabeng panahon, napugos ang mga tig-organisa nga ihunong ang duwa, ug nagpabilin nga daog si Gonzales uban sa 104 total, upat ka stroke ang abante batok sa Australian bet nga si Grace Mackay nga nakatala og 108. Si Olivia Espina sa Estados Unidos nakahuman sa ikatulong pwesto uban sa 111.
Ang maong kadaugan nagpasidungog pag-usab sa abilidad sa mga batang Pinoy nga makigkompetensya ug modaog sa internasyonal nga lebel.
SOURCE: PHILSTAR
