2ND PROVINCIAL LAND USE COMMITTEE MEETING, GIPAHIGAYON SA DIGOS CITY

Gipahigayon ang ikaduhang Provincial Land Use Committee (PLUC) Meeting sa Avenue One Hotel, Roxas Extension, Digos City. Katuyoan sa maong panagtigom ang pagrepaso sa Comprehensive Land Use Plan (CLUP) ug Zoning Ordinance 2022–2031 sa Munisipalidad sa Malalag.

Atol sa sesyon, nagpresentar ang mga representante gikan sa LGU Malalag ug nagpasabot sa mga detalye sa ilang plano sa paggamit sa yuta, samtang ang mga miyembro sa komitiba naghatag usab sa ilang mga review comments ug rekomendasyon aron mapauswag pa ang maong plano.

Ang kalihokan nagpakita sa padayon nga paningkamot sa Probinsya sa Davao del Sur nga mapalambo ang organisado ug malungtarong paggamit sa yuta alang sa mas maayong kalamboan sa matag komunidad.

SOURCE: DAVAO DEL SUR PROVINCIAL PLANNING AND DEVELOPMENT