Nimando si Manila Mayor Francisko ‘Isko’ Moreno Domagoso nga ipatuman ang ‘price freeze’ sa mga nag-unang palaliton subay sa rekomendasyon sa National Disaster Risk Reduction and Management Council.
Kahibaloan nga sa Republic Act 7851 o ‘The Price Act’, ang mga batakang palaliton magpabilin sa ilang kasamtangang presyo o ‘prevailing prices’ sulod sa 60 ka adlaw.
Kini nagpasabot nga ang mga partikular nga produkto sama sa bugas, pan, itlog, gatas, utanon, prutas, mantika ug uban pa, lakip na ang mga importanteng tambal, ubos sa price freeze.
Busa, iyang gimandoan ang Market Administration Office nga ipakatap ang nasangpit nga impormasyon ug siguruhon nga masunod ang direktiba sa tanang merkado nga nahimutang sa dakbayan.
Sa samang higayon, gipahimangnoan usab sa lokal nga kagamhanan ang mga negusyante nga dili motuman sa price freeze ug masakpan nga mag-hoard, mag atubang gayud ug dakong kaso sa balaod.
Photo Courtesy to:Dreamstime.com
