Gikumpirma sa Department of Education (DepEd) nga mosaka sa kapin ₱78 milyon ang gikinahanglan aron ma-rehabilitate ang mga pampublikong tunghaan nga nadaot tungod sa Bagyong Uwan.
Sumala sa DepEd, ₱20.2 milyon niini ang e-allocate alang sa clearing operations, samtang ₱57.9 milyon ang para sa mga minor repair sa mga eskwelahan nga naapektuhan.
Sa pagkakaron, gitutukan sa DepEd ang pagpatuman sa Alternative Delivery Modes (ADMs) alang sa mga eskwelahan nga temporaryong gisirado tungod sa mga miaging bagyo ug ubang kalamidad.
Dugang pa niini, napang-apod na usab ang pondo sa mga rehiyon aron gamiton sa paghimo og learning packets ug lesson guides ubos sa Dynamic Learning Program (DLP) ug ubang ADM modalities aron mapadayon ang pagtuon sa mga estudyante bisan pa sa kalisod sa sitwasyon.
Giklaro usab sa DepEd nga dili moubos sa 312 ka pampublikong tunghaan ang nadanyos sa ilang mga pasilidad tungod sa Super Typhoon Uwan, diin pinakadako ang Bicol Region ug CALABARZON.
Padayon ang koordinasyon sa DepEd uban sa lokal nga mga opisyal ug ahensya sa gobyerno aron mapasiguro ang kaluwasan sa mga estudyante ug mapadayon ang edukasyon bisan pa sa epekto sa kalamidad.
Photo courtesy: DEPED
