Gibutyag ni Dr Jonh Daniel Estandarte, Medical Officer III, Infectious Disease Cluster, DOH CHD NM nga Malaria free na ang rehiyon sukad pa tuig 2019.
Sumala pa ni Dr Estandarte, sa tibuok nasud, usa nalang ka probinsya ang wala pa nalingkawas sa sakit nga Malaria, samtang dinhi sa rehiyon diyes, tanang probinsya ug munisipalidad, wala nay kaso sa Malaria nga naggikan mismo sa lokalidad.
Kung aduna man galing matala nga kaso sa Malaria dili kini gikan sa lokalidad apan sa mga tao nga gikan sa laing probinsya o laing nasud nga nakasulod dinhi sa rehiyon.
Apan taliwali niini, dili gihapon angayang magkompiyansa ug magbinantayon gihapon sa mga sakit nga dala sa lamok, sama sa Malaria. Padayon sab ang ginahimong awareness campaign sa DOH kalabot niini nga sakit ug mga lakang aron nga dili ma-reintroduce ang Malaria dinhi sa rehiyon.
Photo courtesy: Philippine Information Agency
